反起跑線聯盟︱張敬仁曾參選港姐拒入TVB現成吳千語師妹曾拍大膽同性床戲

GIRLAV · 發表於 2022-4-12 12:19:41

本帖最後由 GIRLAV 於 2022-4-12 12:21 編輯

ViuTV劇集《反起跑線聯盟》被指拍出一眾媽媽心聲，除咗主角們演技被讚好，於劇內飾演幼稚園老師嘅張敬仁（Kendy）亦被大讚演出自然。其實呢次並非張敬仁首次拍攝ViuTV劇集，而過往嘅角色亦唔似今次咁斯文；不過，張敬仁就表示《反起跑線聯盟》呢個角色係自己最喜歡及投入嘅角色，與小朋友合作可以喺佢哋身上學到直接純粹。

35歲嘅張敬仁大學時已移居美國，曾任投資銀行分析員，2013年參選全美華埠小姐選舉，榮獲第三公主；同年返到香港參選香港小姐競選，於觀眾投票環節為最高得票嘅頭三名佳麗，不過大熱倒灶，當年冠亞季軍由陳凱琳、蔡思貝、劉佩玥奪得，而張敬仁總成績僅獲第六名。

張敬仁之後並無簽約無綫電視，以自由身於娛樂圈發展，2019年加入黃百鳴旗下演藝公司，成為吳千語師妹。張敬仁曾出演約6套電視劇，包括於《詭探前傳》中飾演郭偉亮（Eric Kwok）助手；另於《賤民20》飾演同性戀者Leslie，與吳海昕床上激吻一幕意識大膽，令觀眾留下深刻印象，亦被稱為「暗黑系sheshe」。張敬仁亦曾於《晚吹─有酒今晚吹》分享個人經歷，回憶當年參選香港小姐時非常緊張：「就係出場嗰下會好騰雞，加上我係1號，記得當時有記者問過『你驚唔驚自己行先死先』，我覺得問題好尖銳，第一次見記者就問啲咁嘅問題，不過係幾好嘅經驗，」；張敬仁又直言諗返轉頭，唔明白點解當年會做出咁嘅決定。