泰維斯現身AC米蘭　老人鋒線再添成員？

joemalee · 發表於 2022-4-10 11:29:55

現年38歲嘅阿根廷前鋒泰維斯，今年7月離開小保加後一直未有落班，不過呢位前曼聯球星從來未宣布退休，日前更現身AC米蘭嘅訓練場，同總監馬甸尼、教練皮奧利等見面，令泰維斯將會加盟AC米蘭嘅傳聞出現。

據《米蘭體育報》消息，泰維斯繼早前入場睇國際米蘭對祖雲達斯嘅大戰後，周五(8日)再現身AC米蘭練習場，同馬甸尼、皮奧利等多位話事人見面，曾效力祖雲達斯2年嘅佢似乎有意返意甲發展。泰維斯雖然已經38歲，不過仍未準備掛靴，早前就有傳佢會去美職搵食。

AC米蘭出名鍾意老人前鋒，目前陣中已經有40歲嘅伊巴謙莫域同35歲嘅基奧特，如果簽埋38歲嘅泰維斯，呢位老人鋒線都幾有睇頭！