|
|
力爭歐聯席位嘅阿仙奴，傷兵名單再添新人，早前踢太公波受傷嘅左閘基蘭泰亞尼，近日需要接受手術，好大機會今季提早收咧，此外主力中場湯馬士柏迪，亦有機會加入兵工廠十字軍行列，情況令一班廠迷擔心。
基蘭泰亞尼早前國際賽期，代表蘇格蘭出戰友賽整傷左膝，呢位兵工廠左閘喺手術成功後，隨即喺社交媒體打卡報平安，獲唔少球迷送上打氣字句同祝福。24歲嘅基蘭泰亞尼被阿仙奴寄予厚望，被視為係球隊隊長嘅有力繼任人之一，不過佢今次傷到要做手術，康復時間肯定唔斷，無論對爭取來季歐聯席位嘅阿仙奴，定係力爭世盃決賽周資格嘅蘇格蘭嚟講，都係一大打擊。
除咗基蘭泰亞尼之外，阿仙奴中場湯馬士柏迪早前喺對水晶宮一戰，亦因為右邊大脾受傷，未能堅持作賽被調離場，好大機會成為陣中另一個需要長唞嘅球員。
|
|
在線雷達
發表於 2022-4-9 10:45:39
廣播
置頂
超級提昇
強效提昇
推舊帖
收嗲鳥
油顏色
