為復出搏到盡！賓施馬用拔罐療傷

joemalee

皇馬前鋒賓施馬因傷缺陣上仗西甲「國家打吡」對巴塞隆拿，睇住球隊慘敗0比4，呢位34歲法國射手為咗早日復出幫助球隊爭標，用盡各種方法治療傷勢，包括接受拔火罐。

賓施馬喺社交網上載一張拔火罐之後嘅相片，見佢背部及後腦位置都有拔火罐嘅紅印。呢位前鋒又展示自己喺健身室操練嘅情況，睇來狀態唔錯，傷勢應該已經恢復得七七八八。

賓施馬今季為皇馬各項賽事上陣34場，射入32球及13次助攻，成為「銀河艦隊」進攻靈魂人物，教練安察洛堤等緊佢救亡，目標係希望呢位射手可以趕及4月7日凌晨復出，踢歐聯8強首回合作客車路士。

BB29

用盡各種方法

LasCases

另類療法

小強173

其實有好多歐美運動員都有用拔火罐或者針灸療法。
不論美式足球或是NBA球員，黑人白人都有拔火罐。