蘭歷克：「曼聯得2人踢到逆境波」

joemalee · 發表於 2022-3-9 22:31:27

英國傳媒報道，消息人士向傳媒爆料，轉述曼聯看守領隊蘭歷克想法，佢認為曼聯陣中只有2人踢到逆境波，王牌C朗拿度不在其中，該兩名球員係麥湯米尼同勞基梳爾。

數據顯示，蘭歷克入主後，曼聯5次領先下被扳平，原因係球隊在佔優之下會突然走樣，最終只能保住和波，相反在落後情況下就無法反勝，只取得2和2負，蘭歷克對於球隊嘅表現感到擔憂。

曼聯教練團當中，蘭歷克安排一名心理專家倫斯加入，發現隊中唔少球員會因為自己失誤而分心，影響表現，亦有人會被隊友沮喪情緒或戰術安排影響，無法專注比賽，全隊中只有麥湯米尼同埋勞基梳爾未受影響，喺任何情況下都保持表現，亦深受蘭歷克器重。