巴神認錯：當年唔應該離開曼城

joemalee · 發表於 2022-3-4 21:06:57

意大利「巴神」巴洛迪利轉眼間已31歲，佢近日重獲國家隊徵召，喺土超阿達納鐵路亦有穩定演出，經過多年渾渾噩噩終於醒悟，承認當年唔應該離開曼城。

巴神近日接受訪問時承認：「我錯過咗攀上高峰嘅機會，我唔可以講同C朗及美斯一樣好，因為佢哋贏得多次金球獎，冇人可以同佢哋相比。但如果講水平，我毋須嫉妒佢哋。」

佢仲話2013年離開曼城係自己生涯最大轉折點：「嗰次係我最大嘅錯誤，當時我出咗啲問題，現在我人大個咗，成熟咗，諗番轉頭我唔應該離開，見到阿古路呢幾年嘅表現，我本來可以同佢一齊踢波，如果當時我留低，可以贏一個金球獎。」