新星車禍身亡去世　慕遜加柏停操哀悼

joemalee · 發表於 2022-2-26 11:30:29

德甲球會慕遜加柏周四（24日）於官方社交平台上，證實效力球會U23梯隊的20歲新星佐迪邦格（Jordi Bongard）因交通意外身亡，球會隨即暫停當日所有操練和記者會，以哀悼這位逝去的年輕球員。

師職中堅的佐迪邦格，12歲時就加盟慕遜加柏青年軍，並一路靠出色表現，打入球會U23梯隊，去年仲同球會簽下人生第一份職業球員合約，可見呢支德甲球會非常重視呢位年輕守將，希望培養佢成為明日之星，但此子於當地周三（23日）晚發生的一次交通意外中，不幸去世。

事發後，慕遜加柏亦於社交平台上發布這個令人痛心的消息：「我哋希望喺呢個困難嘅時刻，向佐迪邦格嘅家人同朋友，致最深切嘅慰問。」佐迪邦格的死訊公布後，各界紛紛悼念呢位早逝新星，包括法蘭克、比勒費爾德，以及慕遜加柏嘅死敵球會科隆等德甲球會，都有留言以示哀悼。