|
|
今屆歐聯決賽原定安排喺俄羅斯嘅聖彼得堡舉行，但俄羅斯同烏克蘭之間局勢緊張，歐洲足協正考慮更改決賽主辦場地，英格蘭嘅溫布萊球場將會成為接手大熱。
今屆歐聯決賽將於5月28日舉行，由於安全問題日益嚴重，歐洲多間航空公司都宣布暫停，或減少飛往俄羅斯同烏克蘭嘅航班。英國傳媒報道，歐洲足協正在密切注視烏克蘭危機，情況如持續惡化，將放棄喺聖彼得堡舉行決賽。
溫布萊球場成為接手大熱，今屆有4支英超球隊殺入16強，有望衝擊決賽，英國傳媒指，主辦歐聯決賽可為倫敦帶嚟6,000萬鎊經濟收益。
今次已經唔係歐洲足協首次臨時改變決賽場地，上屆決賽原定喺土耳其伊斯坦布爾舉行，但由於伊斯坦布爾被列入新冠疫情紅色名單，最終改喺葡萄牙波爾圖舉行，而伊斯坦布爾就改為主辦2023年嘅決賽。
|
|
在線雷達
發表於 2022-2-25 11:32:40
廣播
置頂
超級提昇
強效提昇
推舊帖
收嗲鳥
油顏色
