|
|
阿仙奴季初將隊長奧巴美揚「燉冬菇」後，1月再將佢賣走，代隊長拿卡錫迪亦喺夏季回復自由身，「兵工廠」下季勢必另覓隊長人選。領隊阿迪達日前大讚挪威中場馬田奧迪加特係隊長材料，將成為阿仙奴新隊長熱門人選。
23歲嘅馬田奧迪加特上年由皇家馬德里加盟，立即成為球隊中場核心，佢本身已經係挪威國家隊隊長，阿迪達自爆已同挪威領隊蘇巴根傾過馬田奧迪加特嘅領導能力：「佢絕對有齊所有隊長需要嘅特質，我同挪威領隊傾過，佢對馬田奧迪加特有極高評價，去到邊都受人愛戴，馬田奧迪加特既友善又歉虛，總係會以身作則，順其自然咁就會成為團體嘅領袖。」
阿仙奴今季由拿卡錫迪做隊長，當佢唔喺度就由左閘基蘭泰亞尼代替，而阿仙奴近年改用「隊長團隊」模式，多數會選3至4名領袖共同帶隊，馬田奧迪加特同基蘭泰亞尼入選幾成定局。
|
|
在線雷達
發表於 2022-2-23 11:05:05
廣播
置頂
超級提昇
強效提昇
推舊帖
收嗲鳥
油顏色
