摩連奴又嚟料！紅牌出場再揭球證家族臭史

joemalee

意甲有羅馬主場2比2逼和維羅納，執番1分之餘，仲加插「寸王」摩連奴嘅精彩表演，佢多次投訴球證判決，補時再大腳踢走個波，最終被罰紅牌離場。

計埋今場，羅馬近期所有賽事已經4場不勝，錄得3和1負，包括意大利盃不敵國際米蘭，現時排意甲第7，爭入前4有一定難度，摩連奴作為老江湖，投訴球證係佢工作一部分，但今次過分落力，結果被罰紅牌。

不過今次佢似乎真係嬲，離開球場時做出一個打電話手勢，以此侮辱球證帕伊雷托。意傳媒事後解讀呢個手勢，指出帕伊雷托出身於球證家族，佢父親曾因為多年前轟動意甲嘅「電話門事件」，被罰終身禁止執法，摩帥呢個手勢極具攻擊性。

意甲規定主教練要喺賽後接受訪問，但摩帥拒絕受訪，講咗句「我要返屋企」就走人，至於佢嘅紅牌要罰停賽幾場，就要等賽會判決。

BB29

真係精彩表演

LasCases

好火爆

HKtraveler

佢人缘真係麻麻

ggodhk

真性情中人