|
|
巴塞隆拿上個月為鋒線大執位，不過拒絕續約嘅法國前鋒奧士文尼迪比利就「賣唔出」，今個夏天就可以自由轉會，亦令佢成為巴塞隆拿球迷公敵，日前歐霸盃上陣就被魯營球迷狂噓。不過據報沙維仲未放棄，已經搵埋奧巴美揚做說客幫手，並呼籲球迷要予以支持。
據《每日體育報》消息，沙維拒絕將「合約叛將」奧士文尼迪比利雪藏，係抱住仲有機會續約嘅希望，尤其被奧士文尼迪比利視為「哥哥」嘅奧巴美揚加盟後，呢位24歲前鋒據報更非常開心，2人之前喺多蒙特已建立出深厚友誼，沙維就希望奧巴美揚可以做埋說客「幫口」。
對於球迷狂噓奧士文尼迪比利，沙維就不滿表示：「佢哋(球迷)唔聽我嘅話，但重點係嗰啲噓聲，最後都因為迪比利嘅好表現而變為掌聲。」至於巴塞會長拉波塔嘅顧問、名宿告魯夫囝囝祖迪告魯夫亦表示：「我認為只要佢一日着住巴塞波衫，球迷都應該支持到最後一刻，既然教練決定用佢，大家就應該撐到底。」
|
|
在線雷達
發表於 2022-2-20 11:46:35
廣播
置頂
超級提昇
強效提昇
推舊帖
收嗲鳥
油顏色
