戴祖儀自爆感情玩完

GIRLAV · 發表於 2022-2-10 10:42:38

錢嘉樂、戴祖儀、古天祥及伍富橋等，昨日在電視城宣傳節目《不可能任務》。身在內地的兩位隊長譚俊彥與張振朗透過視像打氣，譚俊彥感激嘉樂20年前訓練他吊威吔。席間，在隔籬廠開工的丁子朗前來八卦，戴祖儀否認他專誠探班：「佢唔知我喺度，佢嚟探嘉樂哥。佢有面試節目，但太忙做唔到。（咁清楚佢行蹤，拍劇咀出感情？）我哋嘅真感情已經完結，依家冇感情。（咁快落閘？）係呀！公私分明，我鍾意『年上男』，好似嘉樂哥呢啲就有男人味。」有指她有份投資的NFT大賺500萬？她說：「未計數未知賺幾多，希望有6位數字，但係會投資返落去。」

至於近日在社交網公開新戀情的伍富橋透露女友是圈外人，現已拍拖半年，朝着結婚方向發展，認為情人節是求婚的好時機。

而嘉樂指今次擔任節目導師，是因為接到無綫總經理曾志偉的「任務」，更由兩集變成6集，希望傳承特技拍攝，動作導演林迪安則讚身為「男一」的張振朗服從性相當高。