謝嘉怡自爆底薪好少蘇格蘭做護士曾月入2.6萬

GIRLAV · 發表於 2022-2-5 11:12:08

2020年香港小姐冠軍謝嘉怡（Lisa），雖然觀眾緣不俗，不過工作量唔算多，參演劇集暫時只有《愛·回家之開心速遞》。早前佢進駐內地社交平台「小紅書」，不時分享生活日常及大玩「你問我答」等等，近日Lisa就同陸浩明（6號）拍片大談農曆新年拜年時被親戚所問嘅刁難問題，期間佢仲自爆以前喺蘇格蘭做護士嘅收入。

謝嘉怡與6號上載兩條短片，除咗講今年係佢第一年同父母一齊過新年及未有時間拍拖之外，佢哋仲大談收入嘅問題。謝嘉怡就表示嫲嫲都有問佢呢個問題，因為嫲嫲好擔心佢喺香港搵唔到錢，所以每一次都會問佢月薪，而佢都會話「OK嘅，OK嘅」。Lisa再話佢喺蘇格蘭嘅護士工作收入好穩定，有OT嘅時候仲會多少少，月薪大約係2萬6千蚊港幣。雖然香港護士收入比較高，不過英國開支比香港少大約一半，租樓比香港便宜，而買樓嘅按揭只係4千蚊港幣。

之後，6號再問謝嘉怡，喺香港做藝人嘅收入，Lisa就話每個月唔同，視乎佢拍劇嘅數目，最後佢就話自己底薪唔多，所以最低收入嘅嗰個月人工非常低。