驚畀人打　格連活特屋企安裝保安系統

joemalee · 發表於 2022-2-4 08:42:25

涉嫌毒打及強姦女友等多項罪名嘅曼聯前鋒格連活特獲保釋，返回屋企，呢位20歲新星深知自己已經成為公敵，所以立即聘請保安公司喺佢居住嘅豪宅安裝一套價值350鎊(約3,700港元)保安系統，防止遭人襲擊。

據悉，呢套保安系統有8個攝影鏡頭，並且都係4K超高清畫質。另外，英格蘭國家隊主帥修夫基表明，格連活特證明自己清白之前，唔會徵召佢入國家隊。

格連活特曾於2020年9月為英格蘭踢歐國聯作客擊敗冰島之後，同菲爾科頓一齊帶女仔返酒店玩樂，違反疫情下一系列禁令，立即被踢出國家隊，佢今次犯下嘅罪行更加嚴重，修夫基梗係怕咗佢。