|
|
「星夢一姐」菊梓喬（Hana）跟「新一代咪神」黃婧靈（波波）同屬虎女，最近與吳卓羲傳出緋聞的Hana自覺會閃電結婚，搵啱就嘭嘭聲嫁；擁天賦本錢的波波無懼犯太歲，預告新一年繼續解放「咪咪」。
菊梓喬入行後聽從朋友意見一定會去攝太歲，又搵玄學家睇風水及指點迷津：「師傅叫我唔好唔開心，一唔開心就會病㗎啦，佢覺得我好易諗埋一邊，我唔係悲觀，我接受呢個世界嘅現實。」她沒有問姻緣：「事業可以問，姻緣唔可以，呢啲係講感覺，我覺得我係嗰啲會閃電結婚嘅人，遇到鍾意就嘭嘭聲嗰啲人嚟。」
送飛畀吳卓羲
談到與緋聞男友吳卓羲（Ron）的關係，Hana笑說：「好朋友囉！（有冇發展機會？）人哋嚟睇騷，你又問人發唔發展，聽日食咩都唔知呀。」她沒有被緋聞困擾：「我覺得好小事，佢嚟睇騷啫，人哋嚟睇郭富城，咁啱我喺度啫。」雖然口講不關她事，但就洩露口風有送飛給Ron，她說：「佢見到海報有我，咪問我有冇飛。（你應該送飛畀人喇？）我有㗎！我有畀佢。」只要不影響工作，緋聞對她來講冇壓力，她說：「我想拍拖、想結婚，由細到大都想有個屋企，但係咪真係咁容易呢？我一定要係有個好好嘅關係先會去發展。」
至於「36E咪神」波波化身性感「虎女」，與大家㷫合合度新歲，既海棠春睡大擺S甫士，又俯身托香腮玩尾巴，毫不吝嗇豐滿身材！談到外間經常把焦點集中在其「雙峰」，她接受本報訪問時表示天賦本錢，想收起也不能做到：「細個為咗冇咁突出，行路駝背，有諗過紮胸，但慢慢意識到身材係收唔到，魅力同自信係成個人散發出嚟，所以接受咗呢個事實。」更指平日揀衫不會刻意賣弄性感，但會因應場合來調節，問到是否意味虎年繼續「賣大包」？她笑說：「都冇辦法收埋啦！」對於來年展望，肖虎的她表示不怕相沖之說，但為求整年事事順利，有意佩戴飾物傍身：「應該會戴豬嘅飾物喺身，咁就可以馴服隻老虎！（想唔想拍拖？）我都係會專注事業先，其他唔諗住。」
|
|
在線雷達
發表於 2022-2-2 15:52:00
廣播
置頂
超級提昇
強效提昇
推舊帖
收嗲鳥
油顏色
