曼聯入前4 蘭歷克有50萬鎊獎金

joemalee

曼聯絕殺韋斯咸，而阿仙奴、熱刺本周未能贏波之下，暫時位居第4位，英國傳媒報道，如果曼聯最終保住前4，取得來季歐聯資格，不但C朗唔使減薪25%，看守領隊蘭歷克將可獲得50萬鎊獎金。

雖然進佔前4，但曼聯並未取得主動權，因為阿仙奴比曼聯少踢1場落後2分，熱刺則少踢兩場同樣落後2分，蘭歷克坦言形勢混亂：「歐聯資格好重要，但我哋都要現實啲去睇現時形勢，熱刺比我哋踢少兩場，仲有其他球隊，除咗熱刺同阿仙奴，仲有狼隊都有威脅，可能要鬥到季尾最後1、2輪，所以我哋要必須每場都贏波，即使最後1秒入波都冇所謂。」

曼聯亦進入兩星期歇冬，傳媒影到多名球星搭上前往杜拜航班，前往當地度假，報道指球員將放假一星期，第二個星期就要返球會練波，準備下月五日凌晨英足盃對米杜士堡。

BB29

五十萬鎊獎金

LasCases

唔太樂觀

Winston91

回復 joemalee ##1 的帖子

韋斯咸應該掉隊，爭前四對手就係熱刺同阿仙奴。下半季曼聯都未同Big 6其他5支球會交過手，所以變數都好多。另外藉歐聯冠軍參加下屆歐聯係另一可能性，3月初曼聯已經有個魔鬼賽程，兩周內先聯賽作客曼城，跟住主場對熱刺，之後歐聯淘汰賽主場對馬體，最後聯賽作客利物浦。如果3月初已經失分太多，不如專心歐聯反而有少少機會。