曼聯畀連格轉會　韋斯咸除外

joemalee · 發表於 2022-1-21 20:55:34

英國《Talk sport》爆料，連格已拒絕同曼聯續約，今夏將回復自由身離隊，海闊天空，曼聯希望減少損失，打算在1月轉會窗關閉前將連格外借或出售，但韋斯咸除外，因為對方係爭前4嘅直接競爭對手。

曼聯看守領隊蘭歷克並無重用連格打算，令佢長坐冷板，連格為擺脫困局，離隊係唯一選擇，由於佢合約只餘半年，佢大可以躺平等約滿離隊，不過曼聯打算將佢外借或出售，減少損失。
報道指，曼聯為連格標價為350萬鎊借用費，非常之平，其實最想簽佢嘅係韋斯咸，上季連格外借到韋斯咸，半季攻入9球，表現出色，並重返國家隊，但曼聯唔會放佢去韋斯咸，因為兩隊係爭入前4嘅主要對手。

曼聯嘅目標買家係紐卡素，對方係護級球隊，又有充裕資金，係接收連格嘅理想球會。