A米想借尼敦阿基　打造新古列治

joemalee · 發表於 2022-1-12 09:03:29

英國《太陽報》爆料，指意甲勁旅AC米蘭計劃向曼城借用中堅尼敦阿基，頂替早前受重傷提早收咧嘅卡積亞。AC米蘭球迷對於呢個消息非常雀躍，因為尼敦阿基外型同A米名宿古列治非常相似，加上兩人都係荷蘭球員，如果佢真係加盟AC米蘭，可能可以步上前輩成功之路。

據悉AC米蘭已經向曼城作出查詢，希望借用尼敦阿基至今季結束，原本呢位26歲守將只屬於曼城後備，早已經傳出可能會離隊，但由於新冠肺炎肆虐，領隊哥迪奧拿擔心唔夠球員用，所以未必願意外借尼敦阿基。呢位荷蘭國腳近3場都以正選上陣，問題係當其他中堅復出後，佢可能又要坐冷板。

AC米蘭現時鬧中堅荒，上場意甲更加需要用右閘皮爾卡魯魯客串中堅，同少有機會上陣嘅馬迪奧加比亞扼守中路，如果再簽唔到新中堅，勢必影響爭標機會。