捷比亞首演救唔到 紐卡素被英甲隊踢出局

joemalee

獲沙特阿拉伯財團入主嘅紐卡素，冬季轉會窗準備大展拳腳，不過球隊成績似乎全無起色，周六(8日)英足盃第3圈主場迎戰英甲球隊劍橋聯，就算有英格蘭國腳捷比亞加盟後首度上陣，「喜鵲」仍以0比1輸波出局，表現令球迷失望。

星期五(7日)先至由馬德里體育會加盟嘅捷比亞，今仗閃電正選上陣，面對英甲球隊紐卡素亦以最強陣容出戰，點知踢落唔對路，紐卡素雖然有超過20次攻門，但就撕破唔到劍橋聯防線，反而喺56分鐘因後防解圍連番失誤，被對手門前混前攻入全場唯一入球，慘情出局。

紐卡素領隊艾迪侯域賽後表示：「球員好失望，我哋排出強大陣容，但遇上對方門將神級發揮，加上劍橋聯球員用生命去防守，我唔覺得紐卡素球員態度有問題，只係交唔出足夠進攻質素去入波。」

BB29

紐卡素慘情出局

LasCases

仲有排執。