紐卡素乘虛而入 先借後買奧巴美揚

joemalee

阿仙奴前鋒奧巴美揚因為違反紀律，自上月初對愛華頓後，一直被球會雪藏兼褫奪
隊長之位，更盛傳會方有意出售佢。根據英國《每日郵報》最新爆料，指紐卡素計
劃向兵工廠借用呢位32歲加蓬國腳，並會喺今夏用2,000萬鎊買斷佢。

紐卡素近4場英超只有1和3負，排緊聯賽榜尾二，深受降班威脅，所以打算趁今個
月轉會市場重開增兵，提升實力打護級戰，但以「喜鵲」目前頹勢，要吸引具實力
猛將加盟並唔容易，適逢奧巴美揚被兵工廠打入冷宮，正好乘虛而入，提出借用
佢。

紐卡素為咗增加借到奧巴美揚嘅機會，願意加入買斷條款，答應阿仙奴今季結束後
，用2,000萬鎊收購佢，令阿仙奴安心放人。

不過，奧巴美揚已經飛去加蓬備戰非國盃，可能要等到2月先至重返英超，就算紐
卡素借到佢，但遠水救唔到近火，未來1個月仍然難捱。

LasCases

打反擊啱用。

Winston91

回復 joemalee ##1 的帖子

近排兵工廠班後生仔打到風生水起，奧巴有球會願意接手，兵工廠攞返少少轉會費都好

ahta

非洲球員要踢國家隊賽事，都幾難攪