【官宣】些路迪簽入3日本國腳

joemalee · 發表於 2022-1-1 21:03:01

冬季轉會窗開啟，蘇超些路迪搶閘出擊，喺大除夕宣布簽入3名日本國腳前田大然、旗手
怜央及井手口陽介。

些路迪季初簽入日本前鋒古橋亨梧，上陣22場攻入13球2助攻，表現出色，於是該隊喺冬窗大舉
入貨，據報前田大然身價最高，轉會費為160萬鎊，佢今季喺日職橫濱水手以23球奪得金靴獎，
表現有保證。

至於井手口陽介來自大阪飛腳，轉會費係83.5萬鎊，旗手怜央則未有披露轉會費，但佢來自日職
冠軍川崎前鋒，相信身價唔會低。

上述3人都簽約4年半，下半季些路迪擁有4名日本國腳，等如小半支日本隊，值得期待！