巴塞救星！紐卡素高價收購烏姆迪迪

joemalee · 發表於 2021-12-29 20:32:02

巴塞隆拿購入費倫托利斯嘅同時，另邊廂要積極清除隊中冗員，其中法國後衞烏姆迪迪
總算搵到買家，佢哋就係紐卡素，《太陽報》報道，「喜鵲」準備出價1700萬鎊收購，對於深
陷財困嘅巴塞嚟講，真係救命錢呀！

烏姆迪迪喺巴塞並無上陣機會，佢周薪高達22萬鎊，但拒絕減薪，主帥沙維決定將佢出售，而
有財力高價接手嘅球會唔多，卒之搵到紐卡素。

紐卡素獲沙特財團入主後，成為全球最有錢球會，但喺英超戰績持續低迷，佢哋已準備喺冬窗
大手買人，烏姆迪迪正係強球隊後防實力嘅理想人選，而且1700萬鎊喺紐卡素眼中真係好濕碎。
如果巴塞順利出售烏姆迪迪，換血計劃可以話成功咗一半，下一步就係出售菲臘比古天奴，傳媒
報道，古天奴經理人已飛抵倫敦，準備同阿仙奴作進一步談判，傳媒估計阿仙奴未必會買斷，可
能以借用形式簽入古天奴。