般費自爆開始舖路 期望可做曼聯主帥

joemalee

好多球員退役都會揀番做教練，哥迪奧拿同施丹等都係當中嘅表表者，諗唔到曼聯中場
般奴費南迪斯，雖然家陣27歲，但已經為自己舖路，最近開始讀教練相關課程，諗住退役後執
教鞭。

般費最近接受訪問時話，自己嘅夢想係退役後成為教練，目前已好努力讀緊相關課程，最終目
標就係成為曼聯主帥，佢知道做教練一定會有好大壓力，但如果可以執掌紅魔，開心之餘亦期
待畀佢嘅壓力變為動力。

不過，家陣佢仲年輕，呢個計劃相信比較遠，今季隨着同鄉C朗加盟，佢嘅入球同助攻都明顯少
咗，目前只累計5個入球，同上季嘅18球相差一段距離，依家最緊要調整好自己，做番球員本份
先。

LasCases

排吓隊先。

HKtraveler

咁後生就諗定退休計劃

Winston91

回復 joemalee ##1 的帖子

有時間報讀教練課程，好過流連夜場嘅。不過唔似施丹前曼聯嘅球星轉做教練冇個掂，遠有布魯士，近有蘇B都係被炒收場。