施丹教法國隊夢碎迪甘斯：我要教多10年

joemalee · 發表於 2021-12-28 09:43:06

一直盛傳施丹希望執教法國國家隊，所以婉拒擔任曼聯領隊，但係現任法國主帥迪甘斯
公開表示，希望再執教國家隊多10年，似乎想勸退施丹，唔好同佢爭飯碗。

迪甘斯接受傳媒訪問時話：「我唔需要為離任定下日期，好滿意現狀，完全唔覺得疲倦，如果
可以再執教法國隊多10年，咁就最理想。」

迪甘斯將於2022年12月約滿，換言之起碼會領軍至明年世界盃決賽周之後，至於能否留任，應
該要視乎世界盃成績而定，迪甘斯仲話世界盃結束前，唔會接受任何球隊斟介。

迪甘斯2012年開始執教法國，協助球隊打入2016年歐國盃決賽，但不敵葡萄牙，其後奪得2018
年世界盃及2021年歐國聯冠軍，成績彪炳，加上今次發表效忠宣言，法國傳媒認為施丹好難搶
走迪甘斯嘅帥位。
不過，施丹仲有大把好去處，除咗曼聯之外，巴黎聖日耳門都想邀請佢執教。