又有1場踢唔成　阿仙奴對狼隊延期

joemalee · 發表於 2021-12-28 09:40:42

英超賽程不斷受到新冠肺炎疫情影響，再有1場比賽宣布延期，原定於香港時間周二(28日)晚
舉行嘅阿仙奴主場對狼隊，因為狼隊有多位球員確診，提出將比賽延期，已經獲得賽會批准。

狼隊近期「大爆疫」，早前已經宣布原定周六(26日)晚主場對屈福特延期，球員確診情況仍然冇改善
，連下場對阿仙奴，都無法應戰。

英超賽會發表聲明話：「由於狼隊出現確診及傷病問題，英超董事會決定接受佢哋要求延期比賽嘅申
請。」其實阿仙奴本身亦有富安健洋、薛迪索拉斯、美蘭尼爾斯確診新冠肺炎，已缺陣上陣英超對諾
域治，加上兩場比賽相距非常近，延期舉行對兵工廠都有利。