巴塞6,500萬歐元簽費倫托利斯　日內簽約

joemalee · 發表於 2021-12-25 09:55:51

據英國、西班牙等多個權威媒體報道，巴塞隆拿已經就收購西班牙前鋒費倫托利斯同曼城達成協議，巴
塞將會以5,500萬歐元現金，加上1,000萬歐元浮動獎金條款，總值6,500萬歐元轉會費收購，該21歲新星
日內起程去西班牙簽約。

巴塞隆拿雖然受到財政問題困擾，不過新教練沙維上任後最大目標，就係收購前鋒費倫托利斯，由於呢
位新晉西班牙國腳亦希望回流西甲，所以曼城亦決定如佢所願，最終巴塞隆拿動用巨額轉會費同曼城達
成協議，費倫托利斯今個星期內會起程去西班牙做體測並且簽約，據報合約為期5年。

費倫托利斯自今年9月為曼城上陣後，一直因傷缺陣到最近先至復操，佢加盟1年多時間雖然唔係正選，
但每次上陣都有好表現，上季歐聯6次上陣入4球，今季英超4次上陣亦有2個入球，傳聞佢因為家庭問題
希望重返西班牙搵食，加盟巴塞隆拿更令佢夢想成真。