拜仁球探投阿仙奴　即薦3大奧巴美揚接班人

joemalee · 發表於 2021-12-17 20:48:54

阿仙奴日前宣布褫奪奧巴美揚隊長職務，呢位加蓬射手嘅「兵工廠」生涯亦進入倒數，物色新前鋒事在必行，最近由拜仁
慕尼黑過檔嘅著名球探布查爾，一上場就有機會大展拳腳，據報佢會推薦3名喺德甲搵食嘅前鋒畀阿仙奴考慮。

37歲嘅布查爾為拜仁慕尼黑工作已超過10年，由視像分析師一直升到球探主管，除咗最熟嘅德國市場外，西班牙、意大利
、捷克、波蘭等地方都係佢嘅「地頭」，佢今次轉投阿仙奴即撞正奧巴美揚事件，當然要好好發揮自己嘅力量。

據《Football London》報道，布查爾或會向阿仙奴推薦3名德甲前鋒，包括利華古遜前鋒柏德列舒希克、RB萊比錫嘅安達施
華，以及禾夫斯堡嘅荷蘭箭頭韋格賀斯，3人嘅轉會費都唔算特別昂貴，有機會成為阿仙奴1月收購目標。