咸爺帶二公子撐曼聯　攞埋C朗簽名波衫

joemalee · 發表於 2021-12-5 21:00:29

作為曼聯名宿，紅魔有比賽碧咸當然要撐場，據英國《太陽報》消息指「咸爺」周四帶埋囝囝羅密歐去奧脫福睇曼聯對阿仙奴，而羅密歐更加攞到一件有C朗拿度簽名嘅波衫，實在令人葡萄。

19歲嘅羅密歐同「萬人迷」老竇去睇波，仲要攞埋入咗兩粒嘅當今「萬人迷」簽名波衫梗係開心，仲舉起件7號波衫曬命。值得一提嘅係呢件「7號」對碧咸嚟講都算特別，因為佢喺2003年轉會去皇家馬德里之前，就係着住呢件紅魔「7號」，家陣囝囝攞住呢件現役嘅曼聯「7號」，的確有另一番意義