蘭歷克首度現身奧脫福　卡域克話從未見面

joemalee · 發表於 2021-12-4 11:02:28

曼聯周一(29日)宣布聘請蘭歷克成為新領隊後，呢位德國教頭一直未有露面，直到周四(2日)終於首度現身奧脫福球場。63歲嘅蘭歷克被影到喺曼聯足球總監梅托陪同下，參觀奧脫福球場嘅設施，兩人之後步出球場進行咗幾分鐘對話，期間亦有同前曼聯後衛布朗交談。

由於蘭歷克仍未獲發出工作證，曼聯周五(3日)凌晨主場對阿仙奴一仗肯定唔能夠領軍，但英國《每日星報》指蘭歷克將會入場觀戰，意味佢入境後嘅新冠肺炎檢測已經過關。雖然蘭歷克已經到達，但暫代領軍嘅卡域克就話未同蘭歷克見過面：「我哋有冇傾過偈？冇！佢要搞工作證嘅事，我就繼續自己嘅備戰，根本冇機會。」