迪比亞路去熱刺探班　教卡尼射波

joemalee · 發表於 2021-11-26 20:34:24

熱刺喺歐協聯對梅拿之前，迎來1位特別嘉賓，就係意大利名宿迪比亞路，因為呢位前祖雲達斯球星，曾經同熱刺領隊干地做過多年隊友，趁去英國講波，順道探望老友，干地暗示射手哈利卡尼趁機同迪比亞路交流射門心得，希望盡快重拾射門鞋。

干地話：「好開心見番迪比亞路，我哋做過隊友，亦做過佢嘅教練，佢來到倫敦擔任講波嘉賓，評述歐聯車路士對祖雲達斯，所以來探望我哋，對我哋有鼓舞作用，哈利卡尼同迪比亞路見面係一件好事，兩人都係頂級射手，可以交流心得。」

哈利卡尼今季為熱刺上陣15場，只入2球，希望迪比亞路今次可以向佢提供意見，幫佢重振雄風啦。