意大利大鑊！恩莫比尼受傷缺陣生死戰

joemalee · 發表於 2021-11-11 08:51:05

意大利將於周六(13日)凌晨世界盃外圍賽歐洲區C組，主場對勁敵瑞士，大戰前夕，意軍傳出噩耗，主力射手恩莫比尼受傷，已經退隊，無緣餘下2場世盃外對瑞士及北愛爾蘭。

據悉，恩莫比尼喺集訓期間，發現小腿出現傷患問題，無法參加比賽，領隊文仙尼已經補選薩斯索羅前鋒施卡馬卡，填補佢嘅位置。

恩莫比尼近年都係意大利正選前鋒，佢缺陣之下，文仙尼可能改用拖連奴射手比洛迪踢正選，甚至打「無鋒陣」。

意大利現時同瑞士同分，意軍僅以較多淨得球排榜首，兩軍同樣餘下2場外圍賽，由於只有小組首名可以直接出線，雙方今場正面交鋒，無疑係一場生死戰。