曼聯兩大後備乘亂造反！要求上陣

joemalee · 發表於 2021-10-30 10:28:06

曼聯主帥蘇斯克查雖在董事局及前領隊費格遜力撐下保住帥位，但都唔好過，球隊聽晚對熱刺非勝不可，壓力沉重，而來自球隊內部嘅不滿亦大爆發，英國傳媒報道，兩位大後備雲迪碧克及艾歷拜利齊齊質問蘇斯克查，要求上陣。

雲迪碧克自上季加盟曼聯後，一直被蘇斯克查冷落，今季僅上陣3場，連同上季僅4次正選，佢無正式比賽下已被剔出荷蘭大軍，早前歐聯對維拉利爾，雲迪碧克更向蘇斯克查掟香口膠。
艾歷拜利仲慘，今季僅上陣1場，仲係聯賽盃，佢對於蘇斯克查寧願派缺態嘅哈利馬古尼落場，都唔肯用佢感到憤怒，早前聯賽不敵李斯特城，佢為此質問蘇斯克查。

英國傳媒報道，兩人近日曾經同蘇斯克查對話，進行「大逼宮」，報道指兩人喺曼聯隊內得到唔少球員同情，質疑蘇斯克查唔夠大公無私。