朗奴高文被圍受辱　巴塞發聲明譴責

joemalee · 發表於 2021-10-26 08:37:57

巴塞隆拿周日(24日)主場1比2輸畀皇家馬德里，2連勝嘅短暫光輝結束，教練朗奴高文再成球迷攻擊目標，呢位荷蘭教頭賽後揸車離開魯營球場嗰陣，被近百名巴塞隆拿球迷截停包圍，唔少人拍打車窗、踢向車身，而且不斷用粗口辱罵，場面非常混亂。

對於今次事件，巴塞隆拿亦發出聲明譴責：「對於朗奴高文喺魯營球場外受到嘅暴力同侮辱性行為，球會予以公開譴責，巴塞隆拿將會實行保安措施同紀律行動，確保呢啲事情唔會再次發生。」巴塞隆拿輸波後喺西甲跌落第9位，朗奴高文亦成為球會近85年來，第1個連輸3場「國家打吡」嘅教練。