熱刺重新撻着　「大」起維迪斯

joemalee · 發表於 2021-10-22 10:09:57

周五凌晨歐協聯G組賽事，近期狀態回勇嘅熱刺將作客荷甲球隊維迪斯。熱刺經歷上個月嘅低潮後，踏入10月份即連贏3場，王牌前鋒哈利卡尼狀態亦有明顯起色，呢支英超勁旅踢歐協聯有超班之勢，往往恃質凌人主動搶攻，上半場經常出現唔少入波，中位數1.5球半場大值博。

熱刺今季由新帥紐奴領軍，季初適應期球隊進攻出現問題，不過近期就全面復甦，最近3連勝狂入10球，英格蘭前鋒哈利卡尼亦喺上輪英超「開齋」，對佢嘅信心會有極大幫助。哈利卡尼同孫興民一對箭頭威力十足，要攻破維迪斯後防並唔困難，況且熱刺喺歐協聯踢法進取，近3場歐協聯賽事半場總入球全開2球或以上，上半場入球有保證。