賽後拒同高普握手　施蒙尼有解釋

peecock · 發表於 2021-10-21 11:21:10

馬體會喺歐聯B組大戰主場輸畀利物浦，主帥施蒙尼拒絕同高普握手，令到高普相當唔高興，又嬲又尷尬，賽後施蒙尼對唔握手有解釋。

比賽後雙方主帥握手，係基本禮貌，而呢場歐聯踢完之後，施蒙尼已經火速跑入通道，而高普則上前同球員握手，甚至是對方嘅球員握手，對於施帥走左去，令高帥嬲爆爆企係通道外，對施蒙尼嘅無視尷尬又失望。高普賽後話:「我唔鍾意咁樣，我想同佢握手，但佢嘅反應唔太好，下次我哋見面一定要握手，好明顯佢仲嬲緊，唔係對我，係對場比賽。」