傻傻分不清︱江嘉敏基因突變王祖藍李亞男都中伏？

GIRLAV · 發表於 2021-9-28 18:32:34

無綫小花江嘉敏出名樣靚身材正，係唔少宅男嘅夢中女神，近日佢喺節目《代溝關注組》係咁爆料，成為唔少花生友茶餘飯後話題。唔經唔覺，《代》已錄到最後一集，江嘉敏就以一個齊陰嘅「妖后髮型」示人，佢仲即刻Post相同大家開心Share。

不過呢，佢Post嘅第一張相側側哋頭，竟然同升呢做無綫首席創意官嘅王祖藍，撞樣撞到嘭嘭聲，唔知係咪角度問題，江嘉敏更完美複製祖藍個招牌大鼻，有網民話齋睇相，一定以為又係祖藍扮女人，就算李亞男都隨時中伏呀！而江嘉敏就留言話都好想自己似祖藍咁叻咁多計仔，唔介意同佢撞樣呀！