阿古路復操！有望10月出戰皇馬

joemalee · 發表於 2021-9-7 08:55:16

今季「星散」嘅巴塞隆拿終於有好消息，新加盟射手阿古路已經可以進行恢復性訓練，有望10月中復出，意味有機會出戰10月24日舉行嘅西甲「國家打吡」激鬥皇家馬德里。

阿古路今夏以自由身從曼城轉投巴塞隆拿，但卻連接遭受打擊，包括因為球會薪酬超出西甲上限，一度未能註冊，老友美斯離開巴塞，令到佢同呢位阿根廷同胞合作嘅美夢成空，更不幸係自己8月初右腳肌肉受傷，需要長抖。

不過，阿古路現時已經漸入佳境，可以進行體能訓練，傷勢康復進度良好，西班牙傳媒指呢位33歲老將可望於10月中復出，趕及上陣對皇馬。

另外，美斯轉投巴黎聖日耳門之後，巴塞隆拿原本將10號球衣交畀阿古路，但佢卻拒絕接受，並堅持着19號，佢話：「巴塞畀我10號球衣，但我唔要，因為要尊重美斯。」最終由18歲新星安素法迪着10號。