派路現身倫敦等教阿仙奴？

joemalee · 發表於 2021-9-5 06:50:39

意大利名宿派路近日抵達英國倫敦，仲影相放上社交網，引起無限遐想，阿仙奴球迷反應特別興奮，指派路可能準備入「廠」，取代阿迪達領軍，並稱兵工廠有救啦。

派路上季結束之後，失去祖雲達斯帥位，所以佢今次現身倫敦，難免令人以為呢位42歲少帥有新工作。英超倫敦球隊之中，最有機會換帥必定係聯賽3戰全敗嘅阿仙奴。
因此，好多阿仙奴球迷都喺派路相片下留言，包括話：「歡迎來到阿仙奴。」、「下一位阿仙奴領隊？」、「係咪收到來自北倫敦嘅電話？」

不過，就算派路真係成為阿仙奴領隊，「廠迷」都唔使太開心，佢上季執教祖雲達斯僅勉強排第4位，搞到球隊意甲9連冠斷纜，教波能力麻麻，恐怕救唔到處於水深火熱嘅阿仙奴。