仲未轉完！比真歷投比錫達斯

joemalee · 發表於 2021-9-4 07:02:30

雖然歐洲主要聯賽嘅轉會窗已經關閉，不過原來土耳其聯賽嘅轉會窗係開到9月8日，巴塞隆拿周五(3日)宣布，中場比真歷被外借去土超勁旅比錫達斯1季，繼續為減低薪酬開支進行清洗。

巴塞隆拿受到財政問題困擾，今個夏天已經放走美斯、基沙文兩大巨星，31歲嘅比真歷上季由祖雲達斯加盟後未受重用，暑假期間一度盛傳會重返祖記，但最終未有成事。比真歷為求得到上陣機會，最終同意以借用身份轉投比錫達斯。

據報比真歷為實現今次轉會，答應減薪6成，原本800萬歐元年薪減至320萬歐元，而巴塞隆拿會負擔其中50萬歐元人工。