冇特權！C朗返英國要隔離5日

joemalee · 發表於 2021-9-4 07:00:09

C朗拿度喺上場世盃外「申請」黃牌，下場停賽之下獲准提前離開葡萄牙，返回英國為曼聯準備生涯第2次英超「處子戰」，不過佢一樣要坐檢疫監，為期5日，由周五到英國起計，要隔離至下周二。

《曼徹斯特晚報》報道，曼聯向英國政府提出C朗免檢申請，但已被拒絕，C朗唔會有特權，要同其他進入英國旅客一樣遵守防疫條例，就算你係球王都要坐檢疫監。

C朗上仗領黃，下仗對阿塞拜疆要停賽，因此獲准提前離隊向曼聯報到，依家佢要按規定隔離5日，而且要喺隔離嘅第2同第5日接受核酸檢測，結果正常才可放行。
C朗周五抵達英國，將要檢疫隔離至下周二，下周三才可向曼聯報到，參加大隊操練，亦即係佢只有3日時間備戰回巢首仗對紐卡素之戰。