|
|
無綫處境劇《愛·回家之開心速遞》深得觀眾愛戴，唔少劇中演員更憑角色成功入屋。劇集不時都會有全新角色加入，每次都會引起觀眾關注，最近又有新演員登場啦，而佢哋就係謝嘉怡、Kirsten（利愛安）同埋古佩玲。
早前一直有傳謝嘉怡加盟劇組，去到上星期佢終於登場啦！佢喺劇中飾演見習行政人員呂冠君，並由百貨部調到尋寶圖頂替Anita（梁茵飾），劇情仲講到歸蜀明（繆家慶飾）和英進（招浩明飾）返工完全冇晒衝勁，做咩都提唔起勁，即使David（湯盈盈飾）同Mary姐（呂慧儀飾）出動美人計都冇用，直至呂冠君加入尋寶圖，佢哋雙眼即時發光，除咗重拾工作幹勁，仲好主動幫助呂冠君，嚟緊歸蜀明同英進仲會圍住佢氹氹轉。
前日一眾《愛·回家之開心速遞》演員出席宣傳活動，謝嘉怡就話覺得拍劇好玩，雖然暫時都有少少演戲及語言嘅困難，不過劇中演員對佢好好，教佢點樣拍劇同發音。另外，佢仲話自己嘅戲份將會越來越多，相信唔少觀眾都會好期待呂冠君、歸蜀明同英進嘅三角關係，唔知最後呂冠君會情歸何處呢？ |
|
在線雷達
發表於 2021-8-25 11:09:23
廣播
置頂
超級提昇
強效提昇
推舊帖
收嗲鳥
油顏色
