阿仙奴新門將係「死神」佢已令3隊降班

joemalee · 發表於 2021-8-22 07:20:27

阿仙奴豪花3,000萬鎊簽入錫菲聯23歲門將蘭斯達爾，但呢筆交易可能係「死亡之簽」，原來呢位23歲英格蘭門將係「大黑腳」，佢過往有3次轉會，所屬新球隊都喺該季降班，阿仙奴今季開局失利，加上「死神來了」，雙重挾擊之下，隨時英超席位不保。

2018年1月，蘭斯達爾被般尼茅夫外借去當時英乙球隊車士打菲特，半年之後，車士打菲特排包尾降班。2019年夏天，蘭斯達爾返回般尼茅夫，結果球隊喺2019/20年球季排英超尾3降落英冠。

上年夏天，蘭斯達爾以1,500萬鎊轉會費加盟錫菲聯，結果錫菲聯上季英超38場輸29場，難逃降班厄運，真係唔到你唔信邪。蘭斯達爾今季加盟阿仙奴，隨時又做「黑腳」。