38歲彭迪夫推遲掛靴再玩多1季

joemalee · 發表於 2021-8-19 08:23:15

意甲成為老將樂園，除咗祖雲達斯球王C朗、AC米蘭「雙塔」伊巴謙莫域及基奧特之外，仲有熱拿亞前鋒彭迪夫，呢位38歲北馬其頓名將原本今夏約滿打算退休，但最終改變主意，決定同熱拿亞續約1年，仍然有心有力。

彭迪夫球員生涯大部份時間喺意大利度過，包括曾經效力布雷西亞、國際米蘭、拉素、拿玻里等球隊。雖然試過短暫離開，去土耳其搵食，加盟加拉塔沙雷，但2015年重返意甲，加盟熱拿亞，一直效力至今。

彭迪夫喺意甲總共累積上陣473場，射入101球及56次助攻，上季意甲有7球進帳。佢亦有份為北馬其頓出戰今屆歐國盃，分組賽對奧地利，更加射入1球，可惜最終3戰全敗出局。

彭迪夫早前已經宣布退出國家隊，同熱拿亞續約之後，可以專注球會賽事。