迪亞高哥斯達踢巴甲簽約明尼路

joemalee · 發表於 2021-8-18 06:12:15

西班牙前鋒迪亞高哥斯達去年12月同馬德里體育會解約後，一直處於失業狀態，呢位32歲前鋒時隔8個月後終於落班，正式簽約巴甲勁旅明尼路，據報雙方已經簽約至2022年12月，周薪為4萬英鎊，明尼路目前排喺巴甲榜首，亦喺南美自由盃打入8強，迪亞高哥斯達有望為球隊爭逐冠軍。

曾踢過車路士、馬體會同多間西甲球會嘅迪亞高哥斯達，今次轉戰巴西並唔意外，事關佢其實係喺巴西出世，代表西班牙國家隊前更曾經為巴西國家隊踢過2場熱身賽，但就從來冇效力過任何巴西球會。迪亞高哥斯達加盟明尼路後，有望同前巴西國腳侯克合組箭頭。