華拉尼「踩場」官宣投曼聯 來季披19號球衣

joemalee

英超勁旅曼聯周六（14日）喺對列斯聯賽前，於官網正式宣布從西甲皇家馬德里簽入法國中堅華拉尼，而佢更手持19號球衣，特意踏入奧脫福球場接受全場球迷歡迎。據報今次轉會費高達4,200萬英鎊（約4.5億港幣），雙方將會簽約4年直至2025年，至於小將阿密特迪亞路則改穿16號。

華拉尼認為曼聯係世界球壇上最具標誌性球隊之一，對於有機會轉戰英超自己亦無法拒絕：「我想喺職業生涯中實現更多，我知道自己加入咗一支由偉大球員組成嘅球隊，佢哋都擁有贏比賽同獎杯嘅決心。我會付出一切，成為球隊輝煌歷史一部分。」

「紅魔鬼」早於上周已同華拉尼達成轉會協議，但由於隔離及肖像權問題，導致談判出現阻礙，直至今日才正式官宣。

力王ER

華拉尼加盟，相信曼聯防線將會更加穩健
之前只有馬古尼同連迪路夫呢對中堅，總係覺得冇咁穩陣

Winston91

力王ER 發表於 2021-8-14 21:06
華拉尼加盟，相信曼聯防線將會更加穩健
之前只有馬古尼同連迪路夫呢對中堅，總係覺得冇咁穩陣

之前馬古尼吹水話要MU買英國中堅，因為大家講英文易溝通，點知最後嚟咗法國貨。

LasCases

做紅魔