告別利物浦！梳頓沙基利將投里昂

joemalee · 發表於 2021-8-14 07:50:54

利物浦今季轉會市場表現淡靜，不過仍然有球員被清走，據法國《隊報》消息，瑞士中場梳頓沙基利已經同法甲勁旅馬賽傾掂，即將以500萬鎊至700萬鎊轉會費加盟，結束3年嘅「紅軍」後備生涯。

現年29歲嘅梳頓沙基利，2018年由史篤城加盟後長期做後備，不過佢都有唔少次喺重要時刻建奇功，63次上陣有8入波同9助攻，當中只有25場係正選上陣。梳頓沙基利同利物浦只剩1年合約，所以利物浦亦同意放人。

《隊報》指梳頓沙基利將會同里昂簽約3年，取代離隊迪比嘅位置，75,000鎊周薪亦會係全隊最高。至於梳頓沙基利離隊嘅空缺，據報利物浦冇打算買人頂替，而會提拔小將哈維艾利洛頂上。