石川佳純BB 一世有米！

joemalee · 發表於 2021-8-10 07:43:12

東京奧運會落幕，凱旋回國嘅健兒，係時候收大禮，除咗現兜兜收現金，甚至收層樓，仲有一啲好有趣，最趣要數日本女子乒乓手石川佳純，奪得團體銀牌後，獲贈一世都食唔晒嘅米飯！

　　石川佳純簽約所屬嘅全國農業協調組合連合會，向佢送贈一百袋白米，每袋約六十公斤、總重約六公噸白米，作為奪銀嘅激勵獎品，以日本人平均消費量計算，足夠石川食一百年，仲有連合會直營嘅燒肉餐廳，向佢提供「不限金額不限人數」吃到飽嘅「護照」，食到明年嘅三月底。

　　其他國家嘅獎牌健兒亦獲好特別嘅大禮，好似為菲律賓拿下史上首面奧運金牌嘅菲律賓女子舉重選手迪亞茲，除咗得到六十萬美元獎金之外，官員同當地富豪仲另外贈送咗兩棟豪宅俾她，今次真係發達了。

　　印度嘅女舉重銀牌得主米拉拜查努，獲三十五萬美元獎金以外，獲公司升職。俄羅斯獎牌得主可得到獎金、住宅同轎車；南韓男子得獎運動員就竟然可豁免十八個月兵役。真係無奇不有。