馮盈盈趾公爆缸入院縫6針

GIRLAV · 發表於 2021-7-10 11:44:04

馮盈盈、戴祖儀、陸浩明（6號）、黃凱儀（波波）等，早前出海拍攝無綫節目《#後生仔傾吓偈》，期間盈盈發生「爆腳趾」意外，需入院縫6針。

昨日盈盈在助手攙扶下現身《#後生仔》錄影現場，雖然其右腳腳趾公「包到成隻糉」，但未有影響心情，還跟現場工作人員有講有笑，期間遭拍檔封「馮6針」，令她哭笑不得。盈盈表示當時未有為意船上有凸起的鐵片，結果腳趾公遭殃：「現場同事好緊張，同埋見到有塊皮反咗出嚟。跟住我用水沖個傷口，啲血就係咁湧出嚟！」她坦言得知要縫針時，嚇到哭了出來，更指最痛是打麻醉針：「支針一拮落嚟，我就尖叫咗出嚟，全個醫院都聽到。我唔知係咁，因為我第一次縫針咋！」