衝口而出自爆上山慶生朱智賢勾起「燁」緣風波急補鑊

GIRLAV · 發表於 2021-7-3 10:25:16

藝人朱智賢去年被爆與人夫黎振燁於山上約會，並於車廂甜蜜食蛋糕，雖已事過境遷，她亦已重新投入工作，但昨日她出席無綫活動時，卻一時忘形，衝口而出自爆上山慶祝生日，事後急急補鑊，表示要放低過去，積極面對自己才是最重要。

朱智賢（朱朱）、劉穎鏇、郭柏妍、何泳芍（Honey）、陳庭欣等昨日出席無綫《明星運動會》記者會，上月慶祝35歲生日的朱朱滔滔不絕大談參與排球比賽的感受，大抵心情亢奮，竟衝口而出表示今年上山慶生。

由於去年她與黎振燁上山蜜會，繼而車廂食蛋糕斷正，形象受影響，令事業短暫煞停，今次一番言論難免令外間勾起往事，她醒覺後即扯開話題說：「都係普通食飯。（男友謝東閔有冇去？）有，都有其他朋友。（佢送咩禮物？）唔使，我知足常樂。（聽到行山都驚？）唔係。（會避咗唔食蛋糕？）咁生日人哋送蛋糕畀我都開心，過咗去就要放低，面對自己最緊要，唔係就唔可以企番出嚟。」又指正勤力做運動，為年底開劇做好準備。

而Honey與郭柏妍兩位游泳健將，對於比賽當日素顏上陣被網友批評，她們表示不介意，郭柏妍表示羨慕Honey身材好，Honey「禮尚往來」指羨慕她身形瘦削。談到當日《東張西望》主持黎寬怡揶揄參賽藝人衣着不養眼，被網友轟她喧賓奪主，Honey說：「佢係身材特別好，又高又瘦，所以大家焦點喺佢度。（網友話你哋唔化妝完全唔同樣！）如果素顏同化妝冇分別，我會好唔開心，如果另一半係咁講仲嬲。」

劉穎鏇籃球賽有秘密武器？

至於劉穎鏇表示參與籃球比賽，被安排與身形細粒的鄺潔楹同組，她說：「佢人仔細細，身手好靈活，佢仲自稱係秘密武器，搶籃板不知幾犀利。」