|
|
西班牙前鋒艾華路莫拉達喺歐國盃嘅表現備受抨擊，但有球迷竟然為咗找佢晦氣，向佢同佢屋企人作出人身攻擊，莫拉達日前接受傳媒嗰陣就大吐苦水：「我屋企人受到威脅！有人叫我屋企人去死！」
西班牙射手艾華路莫拉達，喺今屆歐國盃遇到啲阻滯，佢喺對瑞典嘅分組賽錯失一球黃金機會，對波蘭雖然入到一球，但仲有一次近門想補中竟然踢咗出界，對斯洛伐克就連12碼都射失埋。日前佢接受訪問嗰陣大爆，有西班牙球迷恐嚇佢同佢嘅屋企人，叫佢老婆同3個囝囝應該去死：「可能我真係做唔到我嘅工作，我明白我被批評係因為我入唔到波，但我希望啲人將心比己，如果自己屋企人畀人恐嚇會點？」
莫拉達仲話，因為呢件事呢幾日都瞓唔着，甚至影響埋佢嘅表現：「每一次入更衣室我都會將電話放埋一邊，因為呢啲恐嚇訊息會影響我嘅表現。」
|
|
在線雷達
發表於 2021-6-26 08:40:18
廣播
置頂
超級提昇
強效提昇
推舊帖
收嗲鳥
油顏色
